झापा । 

झापाको झापा गाउँपालिकास्थित हुलाकी सडक खण्डमामा भएको सवारी दुर्घटनामा दुई जना गम्भीर घाइते भएका छन् । बिहीवार बेलुका साँझ मोटरसाइकल दुर्घटनामा दुईजना गम्भीर घाइते थिए।

 झापा गाउँपालिका २ स्थित हुलाकी सडक खण्डमा पूर्वबाट पश्चिमतर्फ जाँदै गरेको को ३३ प ६४०५ नम्बरको मोटरसाइकलले बाटोमा हिँड्दै गरेकी सोही ठाउँकी ५० वर्षिया सरस्वती कामतीलाई पछाडिबाट ठक्कर दिएको थियो ।

ठक्करबाट कामतीको टाउको र कुहिनोमा चोट लागेको छ भने मोटरसाइकल चालक झापा गाउँपालिका वडा नं ७ बस्ने २६ वर्षिय मैनुल शेखसमेत घाइते भएका छन् । उनको पनि टाउकोमा चोट लागेको छ ।

बोल्न नसक्ने दुवैलाई उपचारका लागि बिर्तामोडस्थित बिर्तासिटी हस्पिटल लगिएको इलाका प्रहरी कार्यालय कुमरखोदले जनाएको छ ।