झापा । 

झापाको भद्रपुर नगरपालिका वडा नं.२ र ३ स्थित देउनीया पुलमा पृथ्वीनगरबाट भद्रपुरतर्फ आउँदै गरेको ट्रकले ठक्कर दिदा पैदल यात्रीको मृत्यु भएको छ । 

प्रदेश १–०१–००१ ख ३६५९ नं.को ट्रकले सोमवार (आज) विपरित दिशाबाट जादै गरेकी भद्रपुर २ की ३५ बर्षिया तुलसा खवास लामा मृत्यु भएको हो । 

तुलसा र उनकीे छोरी वर्ष २ की रुक्साना लामालाई ठक्कर दिएर अनियन्त्रित भएर पुलबाट देउनीया खोलामा खस्दा ट्रकका सह–चालक बिर्तामोड–२ का २४ बर्षिय  अनिल हस्दा, सोही स्थानका ५२ बर्षिय बुद्धलाल राजबंशीसमेत घाईते भएका थिए । घाइते ४ जनालाई नै उपचारको लागि प्रादेशिक मेची अस्पताल भद्रपुर पठाएकोमा  उपचारको क्रममा घाईते तुलसा खवास लामाको मृत्यु भएको हो ।

अन्य घाइते ३ जनाको बएएण्डसी अस्पताल बिर्तामोडमा उपचार भइरहेको प्रहरीले जनाएको छ ।  ट्रक चालक पाँचथर हिलिहाङगाउँपालिका ६ का २४ बर्षिय योगेश सिटौला प्रहरीको नियन्त्रणमा रहेको साथै घटना सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।