उदयपुर । 

उदयपुरको बेलका नगरपालिका–७ गोवाटारका एउटै परिवारका तीन् जनाको हत्या गरेको आरोपमा स्थानीय ४३ बर्षीय नरबहादुर बस्नेतलाई प्रहरीले पक्राउ गरेको छ ।

गत शुक्रबार बिहान गोवाटार स्थित वाबिङ खोलामा स्थानिय ३७ बर्षीय राजकुमार बस्नेत, बस्नेतकी ३३ बर्षीया श्रीमती सरिता बस्नेत र १२ बर्षीय छोरा सुजन बस्नेत समेत तीनै जनाको धारिलो हतियार प्रहारबाट हत्या भएको अवस्थामा मृत अवस्थामा लाश फेला परेको थियो । 

घटना स्थलमा  जिल्ला प्रहरी कार्यालय उदयपुरको प्रहरी उपरीक्षक सहितको टोलीले घटनाको अनुसन्धान गर्ने क्रममा नरबहादुर बस्नेतले उक्त घटना घटाई तत्काल घटना स्थलबाट फरार रहेको भन्ने खुल्न आएसँगैं तत्काल इलाका प्रहरी कार्यालय रामपुर ठोक्सिलाबाट खोजतलासमा खटिएको प्रहरी टोलीले बस्नेतलाई बेलका नगरपालिका–६ बरबोटे स्थितबाट भाग्दै गरेको अवस्थामा घटनामा प्रयोग भएको खुकुरीसहित पक्राउ गरेको हो ।

पक्राउ परेका बस्नेतको जिल्ला अदालत उदयपुरबाट म्याद थप गरी ज्यान सम्बन्धी कसुरमा थप अनुसन्धान भईरहेको जिल्ला प्रहरी कार्यालय उदयपुरले जनाएको प्रदेश प्रहरी कार्यालयले जानकारी दिएको छ ।