बिराटनगर।

उदयपुरको ताप्लि गाउँपालिका –१ स्थित खोलामा डुवेर एक जनाको मृत्यु भएको छ । भाद्र १ गते बेलुका ६ बजे ताप्लि–१ मादलेका ३५ बर्षीय नगेन्द्र राई यारी खोलामा जाल हालेर माछा मार्न गएकोमा २ गते बिहान दहमा डुबेको अवस्थामा मृत फेला परेका थिए ।

इलाका प्रहरी कार्यालय कटारीको प्रहरी अधिकृतको टोलीले  मृतकको लाशलाई पोष्टमार्टमको लागि कटारी अस्पताल पठाईएको र  थप अनुसन्धान भईरहेको उक्त कार्यालयले जनाएको छ ।

 त्यसैगरी बिहीबार मोरङको पथरी शनिश्चरे नगरपालिका–२ का बलबहादुर दर्जीको ८ बर्षीय छोरा अन्जान दर्जी साथीहरुसँग गोही खोलामा पौडी खेल्ने क्रममा पानीमा डुवेको अवस्थामा स्थानियले फेला पारी उपचारको लागि मोरङ अस्पताल पथरी लगेकोमा अस्पताल पुर्‍याउना साथ डाक्टरले मृत घोषणा गरेका थिए । घटना सम्वन्धमा इलाका प्रहरी कार्यालय पथरीले थप अनुसन्धान गरिरहेको प्रदेश प्रहरीले जनाएको छ ।