तेह्रथुम।

आफ्नै बाबुलाई फलामको मुस्ली प्रहार गरेर हत्या गरी फरार रहेका २४ बर्षीय टंकबहादुर भण्डारीलाई प्रहरीले पक्राउ गरेको छ। पक्राउ परेका उनले बाबु ५३ बर्षीय भक्तबहादुर भण्डारीलाई घरायसी बिवाद हुदाँ धान कुट्ने फलामको मुस्लीले टाउकोमा प्रहार गरेर सक्त घाईते बनाएर फरार भएका थिए । 

घाईते भक्तबहादुरको छथर अस्पताल शुक्रवारेमा उपचारको क्रममा  मृत्यु भएको थियो । वारदातपछि फरार रहेका टंकबहादुर भण्डारीलाई जिल्लामा जान सक्ने नाकाहरूमा जिल्ला प्रहरी कार्यालय तेह्रथुम, ईलाका प्रहरी कार्यालय बसन्तपुरलगायत मातहतका प्रहरी कार्यालयहरुबाट प्रहरी परिचालन गरि खोजतलास गगरिएको थियो । 

तेह्रथुम म्याङलुङ नगरपालिका पिङ्गुवा खोलाको पुल आसपासको क्षेत्रमा फेला पारी उनलाई पक्राउ गरिएको हो । पक्राउ परेका उनलाई मुलुकी अपराध संहिता, २०७४ अनुसार ज्यान सम्बन्धी कसुरमा तेह्रथुम जिल्ला अदालतबाट म्याद थप अनुमती लिएर अनुसन्धान भईरहेको जिल्ला प्रहरी कार्यालय तेह्रथुमले जनाएको प्रदेश प्रहरीले जानकारी दिएको छ ।