तेह्रथुम । 

तेह्रथुमको छथर गाउँपालिका–५ ठकुरी टोलका ५३ बर्षीय भक्तबहादुर भण्डारीको छोराको कुटपिटबाट मृत्यु भएको छ । मंगलबार (आज) बिहान सवा ६ बजेको समयमा भण्डारीका २४ बर्षीय छोरा टंक भण्डारीले अचानक धान कुट्ने मुश्लिले बुबालाई टाउकोमा प्रहार गरी घाईते बनाएका थिए ।

घटनाको जानकारी प्राप्त भएपछि प्रहरी चौकी शुक्रवारेको प्रहरी टोलीले घाईतेलाई उपचारको लागि छथर अस्पताल पठाएको थियो । उनको उपचारको क्रममा मृत्यु भएको हो ।

घटनामा संग्लग्न छोरा टंक भण्डारी तत्काल फरार रहेको र उनको खोजी भईरहेको जिल्ला प्रहरी कार्यालय तेह्रथुमले जनाएको छ।