झापा।

झापाको झापा गाउँपालिका–५ सिमलडाँगीमा आगलागी हुँदा छ घर पुर्णरुपमा जलेर नष्ट भएका छन्।बुधबार (आज) बिहान करीव तीन बजे अवदुल करिम अलीको घरको विद्युतीय मिटर सर्ट भएर आगलागी भएको प्रहरीले जनाएको छ।

मिटर सर्ट हुँदा अवदुलको घरसहित आसपास रहेका अवदुल जुलास अली, अमुल अली, अनावर अली, स्माइल अली र सामेद अलीको घर पुर्णरुपमा जलेर नष्ट भएका छन्।

आगालागीमा मानवीय र कुनै चौपाया क्षति नभएपनि घरहरु पूर्ण रुपमा जलेकाले घर भित्र रहेका लत्ताकपडा, अन्नपात लगायतका सवै सामान जलेर नष्ट भएको प्रहरीले बताएको छ।आगलागीबाट भएको क्षतीको पूर्ण विवरण भने आउन बाँकी रहेको छ।

स्थानीय, नेपाल प्रहरी र सशस्त्र प्रहरीले आगो अहिले नियन्त्रणमा लिइसकेको स्थानीय साजेमान सेकले जानकारी दिएका छन् ।