उदयपुर । 

उदयपुरको चौदण्डीगढी नगरपालिका–४ बाट प्रतिबन्धीत लागूऔषध गाँजासहित एक जनालाई प्रहरीले पक्राउ गरेको छ ।

पक्राउ पर्नेमा बेलका नगरपालिका–६ का ३४ बर्षीय बिनेश राई रहेका छन् । लागूऔषध गाँजाको ओसार पसार भईरहेको भन्ने बिशेष सूचनाका आधारमा ईलाका प्रहरी कार्यालय बेल्टारको प्रहरी टोलीले रामपुरबाट स ३ प ३६०३ नम्बरको मोटरसाईकलमा फत्तेपुरतर्फ जाँदै गरेका राईलाई रोकेर चेकजाँच गर्ने क्रममा निजको साथबाट ५ केजी गाँजा बरामद भएको थियो।

लागू औषधसहित पक्राउ परेका राईको बिषयमा थप अनुसन्धान भईरहेको ईलाका प्रहरी कार्यालय बेल्टारले जनाएको प्रदेश प्रहरीले जानकारी दिएको छ ।