बिर्तामोड । 

नेपाल कुचो संघका साधारण सदस्यहरुलाई सदस्यता प्रणामपत्र वितरण गरिने भएको छ । असार ३२ गते संघले काठमाडौंमा एक कार्यक्रमका बिच सदस्यलाई प्रणामपत्र वितरण गर्ने  जनाएको हो ।

नेपाल उद्योग वाणिज्य महासंघका केन्द्रिय सदस्य नरेशलाल श्रेष्ठको प्रमुख आतिथ्यतामा कार्यक्रम गर्ने निश्चय भएको संघका अध्यक्ष राजकुमार कार्कीले जानकारी दिए ।

उनका अनुसार नेपाल उद्योग वाणिज्य महासंघका बरिष्ठ उपाध्यक्ष चन्द्रप्रसाद ढकालको प्रमुख आतिथ्यतामा संघको राष्ट्रिय महाधिबेशन भदौ ४ मा काठमाडौंमा हुँदैछ । महाधिवेशनले नयां नेतृत्व चयन गर्ने बताइएको छ । सोहि कार्यक्रमको तयारी स्वरुप सदस्यलाई प्रमाणपत्र वितरण गर्न लागिएको उनले जानकारी दिए ।

काठमाण्डौं जिल्ला प्रशासन कार्यालयमा २०७८ भदौ २० गते दर्ता भएको संघले कात्तिकमा नेपाल उद्योग वाणिज्य महासंघबाट बस्तुगत सदस्यता प्राप्त गरेको थियो ।