सुनसरी । 

सुनसरीको रामधुनी नगरपालिका–६ सुवानाका १६ बर्षीय बालकलाई छुरा प्रहार गरेर हत्या गरेको आरोपमा स्थानीय १७ बर्षीय एक बालकलाई प्रहरीले पक्राउ गरेको छ । मंगलबार (आज) घरैमा सुतिरहेका चन्द्र सदाको १६ बर्षीय छोरा बिबेक सदालाई १७ बर्षीय बालकले सुतिरहेकै स्थानमा पेटमा छुरा प्रहार गरी  घाईते बनाएका थिए ।

ईलाका प्रहरी कार्यालय पकलीको प्रहरी टोलीले घाईतेलाई उपचारको लागि  बिपी कोईराला स्वास्थ्य बिज्ञान प्रतिष्ठान धरान पठाईएकोमा उपचारको क्रममा  मृत्यु भएको थियो ।

घटनामा संग्लग्न रहेका बालकलाई घटनामा प्रयोग भएको छुरासहित पक्राउ गरी थप अनुसन्धान गरिरहेको ईलाका प्रहरी कार्यालय पकलीले जनाएको प्रदेश प्रहरीले जनाएको छ ।