झापा । 

झापाको बुद्धशान्ति गाउँपालिका–४ मा भएको सवारी दुर्घटनामा अटो चालकको मृत्यु भएको छ । बुद्धशान्ति–४ स्थित मेची राजमार्गमा उत्तरबाट दक्षिणतर्फ जाँदै गरेको  को २ च २०६३ नम्बरको पिकअप गाडीले सोहि दिशातर्फ जाँदै गरेको मे १ ह ४६४४ न.को अटोलाई पछाडीबाट ठक्कर दिदा अट्टो चालक ४१ बर्षिय भानु खड्काको मृत्यु भएको हो । 

दुर्घटना अट्टो चालक खड्का, १८ बर्षिया बिना सेन्चुरी र ३२ बर्षिया ईन्दिरा राई घाइते भएर उपचारको लागि अस्पताल पठाइएको थियो । घाइते अट्टो चालक भानु खड्काको बीएण्डसी अस्पताल बिर्तामोडमा उपचारको क्रममा मृत्यु भएको हो । 

ठक्कर दिने पिकअप गाडी र चालक इलाम सुर्योदय नगरपालिका–१०का ५१ बर्षिय दिलिपकुमार प्रधान प्रहरीको नियन्त्रणमा रहेको साथै दुर्घटनाको बिषयमा थप अनुसन्धान भइरहेको जिल्ला प्रहरी कार्यालय झापाले जनाएको छ ।