• राजु बराल 
  

चन्द्रगढी ।

वर्तमान साहित्य प्रतिष्ठिान चन्द्रगढीको आयोजनामा जनप्रतिनिधि सम्मान तथा वर्तमान त्रैमासिकको चर्चा परिचर्चा कार्यक्रम सम्पन्न भएको छ ।

चन्द्रगढी सामुदायिक वन उपभोक्ता समुहका अध्यक्ष दुर्गाप्रसाद भट्टरार्इको प्रमुख आतिथ्यमा सम्पन्न उक्त कार्यक्रममा भद्रपुर नगरपालिकाका नगर प्रमुख गणेश पोखरेल, उप–प्रमुख राधा कार्की, वडाध्यक्ष राम अधिकारी र अभिषेक ढुङ्गानाका साथै वडा सदस्यहरुलाइ स्वागत सम्मान गरिएको थियो ।

प्रतिष्ठानका पूर्व अध्यक्ष राजु बरालले कार्यक्रमको औचित्य माथि प्रकाश पारेको सो कार्यक्रममा वर्तमान साहित्यिक त्रैमासिकको बारेमा साहित्यकार होम सुवेदी र लता खरेलले समिक्षा गरेका थिए । 

कार्यक्रममा प्रमुख अतिथि दुर्गाप्रसाद भट्टराई, नगर प्रमुख गणेश पोखरेल, उप–प्रमुख राधा कार्की, सस्कृतिकर्मी हरि पौडेल र समाजसेवी हिरा पोखरेलले शुभकामना मन्तब्य राखेका थिए । 

प्रतिष्ठानका अध्यक्ष डिल्लीरमण नेपालको अध्यक्षता, राजु बराल र सञ्जिव गिरीको संयुक्त सञ्चालनमा भएको कार्यक्रममा साहित्यकार लिला अनमोल, सामाजिक अभियन्ता बाबूराम पराजुली, बाबुराम कार्की, शिवकुमार राजभण्डारी लगायतको उपस्थिति रहेको थियो ।