मोरङ ।
मोरङको सुन्दरहरैचा नगरपालिका–५ बुढिपुल स्थितबाट लागू षध गाँजासहित तीन जनालाई प्रहरीले पक्राउ गरेको छ । पक्राउ पर्नेमा धनकुटा सागुरिगढी गाउँपालिका–८ का ३० बर्षीय सुरेन्द्र राई, २९ बर्षीय मिलन राई र २९ बर्षीय बाला राई रहेका छन् ।
जिल्ला प्रहरी कार्यालय मोरङ र अस्थाई प्रहरी पोष्ट बलियाको प्रहरी टोलीले शंकास्पद रुपमा बसिरहेका उनीहरुलाई चेकजाँच गर्ने क्रममा जेब्रा झोलामा लुकाई छिपाई राखेको लागुऔषध गाँजा ८ किलोग्राम बरामद गरेको थियो ।
उनीहरुलाई नियन्त्रणमा लिएर ईलाका प्रहरी कार्यालय बेलबारीले थप अनुसन्धान गरिरहेको प्रदेश नं. प्रहरी कार्यालयले जनाएको छ ।
_1642945611.jpg)
