मोरङ । 

मोरङको बेलबारी–११ स्थित पूर्व पश्चिम  राजमार्गमा मोटरसाईकल दुर्घटनाबाट एक जनाको मृत्यु भएको छ भने एक जना घाईते भएका छन् ।

आज (सोमवार)  पूर्वबाट पश्चिमतर्फ जाँदै गरेको को २० प ७७५२ नम्बरको मोटरसाईकल आफै अनियन्त्रित भएर दुर्घटना हुँदा मोटरसाईकल चालक मोरङ बेलबारी–१० का ३१ बर्षीय कुसुमलाल धिमाल र मोटरसाईलकमा सवार मोरङ पथरीशनिश्चचरे–६ का २८ बर्षीय रमेश धिमाल घाईते भएका थिए ।

दुर्घटनाबाट घाईते भएका उनीहरुको उपचारको लागि नोबेल अस्पताल बिराटनगर लगिएकोमा कुसुमलालको चेकजाँचको क्रममा डाक्टरले मृत घोषणा गरेको हो । घटनाका बिषयमा  ईलाका प्रहरी कार्यालय बेलबारीले थप अनुसन्धान भईरहेको प्रदेश प्रहरीले जनाएको छ ।