मोरङ ।  

जिल्ला प्रहरी कार्यालय मोरङले ४ जना फरार ब्यक्तिलाई  पक्राउ गरेको छ । पक्राउ पर्नेमा  जिल्ला अदालत मोरङको बिभिन्न मितिको  फैसला अनुसार जवरजस्ती करणी मुद्दामा ९ बर्ष १० महिना २२ दिन कैद सजाय तोकिएका फरार प्रतिवादी पथरीशनिश्चारे नगरपालिका–९  का ३१ बर्षीय मुकविर राई, जबरजस्ती करणी उद्योग मुद्दामा ३ बर्ष ५ महिना ३ दिन कैद सजाय तोकिएका फरार प्रतिवादी सुनवर्षी नगरपालिका–४ का २५ बर्षीय मेघनाथ यादव रहेका छन् ।

त्यस्तै सवारी ज्यान मुद्दामा २ बर्ष ११ महिना १५ दिन कैद र ३२ हजार जरिवाना तोकिएका फरार प्रतिवादी  सुनवर्षी नगरपालिका – ५ का  ४५ बर्षीय  गरिव ऋषिदेव, र चोरी मुद्दामा २ महिना १० दिन कैद र २००० जरिवाना तोकिएका फरार प्रतिवादी सुनवर्षी नगरपालिका–९ का २३ बर्षीय लक्ष्मण मण्डल रहेका छन् । उनीहरुलाई जिल्ला प्रहरी कार्यालय मोरङको प्रहरी टोलीले मोरङका बिभिन्न स्थानहरुबाट पक्राउ गरेको हो ।

पक्राउ परेका चारै जनालाई मोरङ जिल्ला अदालत बुझाईएकोमा कैद भुक्तानको लागि मोरङ कारागार कार्यालय चलान भएका प्रदेश नं. १ प्रहरी कार्यालयले जनाएको छ ।