झापा । 

झापाको झापा गाउँपालिका–३ कल्लामारीस्थित भित्रि सडक खण्डमा ट्याक्टरको ठक्करबाट एक जना मोटरसाईकल चालकको मृत्यु भएको छ । 

 मे. १ त ४४१८ नम्बरको ट्याक्टरले  मे. ११ प २८२२ नम्वरको  मोटरसाईकललाई ठक्कर दिएर दुर्घटना हुँदा  घाईते भएका मोटरसाईकल चालक स्थानीय २० बर्षीय अख्तर अलिको उपचारको क्रममा बीएण्डसी अस्पताल बिर्तामोडमा मृत्यु भएको हो ।

उक्त ट्रयाक्टर र चालक प्रबिज आलमलाई इलाका प्रहरी कार्यालय अनारमनीले नियन्त्रणमा लिएर थप अनुसन्धान गरिरहेको प्रदेश नं. १ प्रहरी कार्यालयले जनाएको छ ।