अर्जुनधारा । 

श्री कृष्ण प्रणामी सेवा समितिका नव निर्वाचित पदाधिकारी तथा श्री कृष्ण प्रणामी सत्सङ सेवा परिषदका पूर्व अध्यक्षहरुलाई सम्मान गरिएको छ । 

श्री कृष्ण प्रणामी मन्दिर शनिश्चरेमा आज शनिबार सत्सङ सेवा परिषद झापाद्धारा आयोजित सेवा समिति नेपालको चौंथो पूर्ण बैठक एंवम सम्मान तथा प्रशिक्षण कार्यक्रममा उनीहरुलाई स्वागत सम्मान गरिएको हो । 

सत्सङका पूर्व अध्यक्षहरु स्वर्गिय सोमकान्त भट्टराईलाई मरोणान्त सम्मान, मेघनाथ ढकाल, रामप्रसाद भट्टराई, प्रजापति कोइराला, लीला प्रसाद सापकोटा , छत्रप्रसाद अधिकारी, कृष्ण बजगांई , सेवा समिति नेपालका नव निर्वाचित अध्यक्ष श्यामकृष्ण शर्मा सहितका कार्य समितिलाई सम्मान गरिएको हो । 

कार्यक्रमका प्रमुख अतिथि सन्त श्री १०८ कृष्णदास जी महाराज र सत्सङ सेवा परिषद झापा अध्यक्ष मिलनकुमार बस्नेत , पूर्वाञ्चल धर्मसभा आसाम साध्वी गोपीका माताजि  लगायतले उनीहरुलाई दोसल्ला ओढाएर सम्मानपत्रद्धारा सम्मान गरेका थिए । 

कार्यक्रममा अर्जुनधारा नगरका प्रमुख बलदेव गोम्देन, सेवा समितका अध्यक्ष श्यामकृष्ण शर्मा, गोपीका माताजि , सन्त श्री १०८ कृष्णदास जी महाराज लगायतले शुभकामना मनतब्य राखेका थिए । 

परिषद झापा अध्यक्ष मिलन बस्नेतको अध्यक्षतामा सम्पन्न कार्यक्रमको सञ्चालन महासचिव गिरिधर शर्मा कट्टेलले गरेका थिए ।  सत्सङ्ग सेवा परिषद उपाध्यक्ष मुरलीधर कोइरालाले स्वागत गरेको कार्यक्रममा सम्पूर्ण सेवा समितिका पदाधिकारी, युवा परिषद केन्द्र, प्रदेश, जिल्ला तथा प्रा.स., वाइजुराज महिला समिति केन्द्र, प्रदेश, जिल्ला तथा इकाईका पदाधिकारी तथा स्थानीय सुन्दरसाथहरु सहित मन्दिरका प्रतिनिधिहरुको उपस्थिती रहेको थियो ।