झापा ।
‘विश्व वातावरण’ दिवसको अवसरमा श्रीकृष्ण प्रणामी युवा परिषद नेपाल प्रदेश न. १ जिल्ला कार्य समिति झापा अन्तर्गतको कचनकवल प्रारम्भिक समितिको आयोजनामा वृक्षारोपण गरिएको छ ।
प्रणामी धर्मको आधारशिला ‘बातावरण स्वच्व राखौं’ भन्ने मुल उदेश्यका साथ (आज) आईतबार विश्व वातावरण दिवसको अवसरमा पृथ्वीनगर–बनीयानी मन्दिर परिसरमा वृक्षरोपण गरिएको हो ।
युवा परिषद झापाका अध्यक्ष टहलदास ओलीको प्रमुख आतिथ्यता तथा उपाध्यक्ष सुरज सापकोटाको बिशेष आतिथ्यता रहेको कार्यक्रमको अध्यक्षता कचनकवल प्रारम्भिक समितिका अध्यक्ष नबिन मिश्रले गरेका थिए ।
पण्डित छविलदास भट्टराइले स्वागत गरेको कार्यक्रमको औचित्माथि अध्यक्ष टहलदास ओलीले प्रकाश पारेका थिए ।
कार्यक्रममा जिल्ला सह –सचिव उमेश मिश्र , मन्दिर समितिका अध्यक्ष बिष्णु खरेल, बाइजुराज ईकाई अध्यक्ष ललिताबाई खरेललगायत स्थानीय सुन्दर साथहरुको सहभागिता रहेको थियो । कार्यक्रमको सञ्चालन सचिव तिलक सिटौलाले गरेका थिए ।
_1642945611.jpg)
