उदयपुर ।
उदयपुरको कटारी नगरपालिका–१४ भदौरेमा सोमबार (आज) बिहान भएको सवारी दुर्घटनामा चार जनाको मृत्यु भएको छ ।
सिमेन्ट बोकेर पथलैयाबाट सोलुखुम्बु तर्फ जाँदै गरेको ना ८ ख ८२९७ नम्बरको लोबेड गाडी भदौरे भन्ने स्थानमा आज बिहान राती साँढे २ बजेको समयमा आफै अनियन्त्रीत भई सडकबाट अन्दाजी १०० मिटर तल खसेर दुर्घटना भएको थियो ।
दुर्घटनामा परी चालक सिमरा उप–महानगरपालिका–१ का ३३ बर्षीय सुदिप घलान, सोही स्थानका २५ बर्षीय नितेष खड्का, १७ बर्षीय अनुज लामा र ३७ बर्षीय राजन तामाङको घटनास्थलमै मृत्यु भएको छ ।
उक्त दुर्घटनाका बिषयमा थप अनुसन्धान भईरहेको ईलाका प्रहरी कार्यालय कटारीले जनाएको प्रदेश प्रहरीले जानकारी दिएको छ।
_1642945611.jpg)
