बिर्तामोड ।

 वीरता जेसीजले बिर्तामोड नगरपालिकाका–५ का नवनिर्वाचित वडाध्यक्ष  रोहित प्रसाईंलाई सम्मान गरेको छ । वीरता जेसीजका सदस्य समेत रहेका प्रसाईं गत वैशाख ३० गते सम्पन्न स्थानीय तहको निर्वाचनबाट बिर्तामोड नगरपालिकाका–५ को वडाध्यक्षमा निर्वाचित भएका थिए । 

 वीरता जेसीजका अध्यक्ष प्रविण खड्काको अध्यक्षता तथा  वीरता जेसीजका पूर्वअध्यक्ष मिजास पोख्रेलको प्रमुख आतिथ्यमा भएको कार्यक्रममा कार्यक्रम संयोजक कार्यकारीणी उपाध्यक्ष युवराज कुँवरले स्वागत गरेका थिए ।

वीरता जेसीजका कार्यकारीणी उपाध्यक्ष कुशल खतिवडालेऔचित्यमाथि प्रकाश पारेको  कार्यक्रममा वीरता जेसीजका पदाधिकारी, कार्यक्रम संयोजकलगायतले नवनिर्वाचित वडाध्यक्ष प्रसाईलाई सम्मान गरेका थिए ।  

कार्यक्रमको सञ्चालन वीरता जेसीजका महासचिव टीकाराम खतिवडाले गरेका थिए ।