धनकुटा ।  

धनकुटाको साँघुरीगढी गाउँपालिका–३ स्थित सडक खण्डमा मोटरसाईकल अनियन्त्रित भई दुर्घटना हुँदा मोटरसाईकल चालकको मृत्यु भएको छ ।

साँघुरीगढी–३ कुशेटारबाट घर फर्कदै गरेका स्थानिय ३८ बर्षीय इन्द्रबहादुर याखाले चलाएको को.२८प ७४७१ नम्वरको मोटरसाईकल  अनियन्त्रित भई सडकबाट ५०० मिटर तल झरी दुर्घटना भएको थियो ।

दुर्घटनामा याखाको घटना स्थलमै मृत्यु भएको हो । दुर्घटना सम्बन्धमा इलाका प्रहरी कार्यालय राजारानीले थप अनुसन्धान गरिरहेको प्रदेश प्रहरीले जानकारी दिएको हो ।