बिराटनगर । 

मोरङ र सुनसरीको छुट्टा–छुट्टै दुई स्थानबाट निषेधित लागुऔषध सहित तीन जनालाई प्रहरीले पक्राउ गरेको छ ।

बिराटनगर–१५ को चेकजाँचको क्रममा लागू औषध नियन्त्रण ब्युरो बिराटनगरको प्रहरी टोलीले भारत जोगवनीबाट नेपाल आउँदै गरेका मोरङ बेलबारी नगरपालिका–३ का ३८ बर्षीय सतिषकुमार सुवेदीको साथबाट लुपिजेसिक–७ एम्पुल, एभिल ७ एम्पुल, डाईजेल्याब ७ एम्पुल र फेनरगन ७ एम्पुलसहित बरामद गरेको हो । 

यसैगरी सुनसरीको बराहक्षेत्र–४ स्थितमा अस्थायी प्रहरी चौकी नडाहाबाट खटिएको प्रहरी टोलीले चेक जाँचको क्रममा को.३६प ७६०३ नम्वरको मोटरसाईकलमा सवार रहेका भारत बिहारका ४० बर्षीय जमिर मन्सुरी र देवानगंज–४ सुनसरीका ४० बर्षीय भुवनेश्वर मेहताको साथबाट लुपिजेसिक ४० एम्पुल, डाइजेपाम ४० एम्पुल, फेनारगन ४० एम्पुल, एभिल ४० एम्पुल, ट्रामाडोल ११०० क्यापसुल बरामद गरेको हो । निषेधित लागु औषधसहित पक्राउ परेका तीनै जनाको प्रहरी थप अनुसन्धान गरिरहेको प्रदेश प्रहरीले जनाएको छ ।