लक्ष्मीपुर । 

जेष्ठ नागरिक समाज संघ कनकाई–८ ले मातातिर्थ औशीको अवसर पारेर ५ जना जेष्ठ महिला र एक जना असल बुहारीलाई सम्मान गरेको छ । 

संघका कनकाई ८ का अध्यक्ष धनपति खनालको अध्यक्षतामा भएको जेष्ठ नागरिक सम्मान कार्यक्रममा संघका कनकाई नगर अध्यक्ष पुन्यप्रसाद बाह्कोटीको प्रमुख आतिथ्य रहेको थियो । 

संघले जेष्ठ महिला ९९ बर्षिया जगमाया डाँगी, ८८ बर्षिया तुलसा भट्टराई, ८६ बर्षिया रमादेबी चुडाल, ८५ बर्षिया पबित्रा खतिवडा, ७९ बर्षिया गौरीमाया भुजेललाई सम्मान गरेको हो । 

त्यस्तै असल बुहारीका रुपमा संगीता कोइराला चापागाईलाई सम्मान गरिएको हो । कार्यक्रममको औचित्यमाथि प्रकाश लेखनाथ दाहालले पारेको कार्यक्रमको सञ्चालन अनिता राईले गरेकी थिइन् ।