झापा ।

झापाको अर्जुनधारा नगरपालिका–६ स्थित भित्रि सडक खण्डमा पिकअपको ठक्करबाट एक जनाको मृत्यु भएको छ भने एक जना घाईते भएका छन् । 

प्रदेश १–०१–००१ च ९१०७ नम्वरको पिकअप गाडीले ठक्कर दिएर दुर्घटना हुँदा पैदल यात्री अर्जुनधारा–६ का ५३ बर्षीय कृष्ण निरौलाको घटना स्थलमै मृत्यु भएको हो ।

घाईते भएका बिर्तामोड नगरपालिका–५ का ४५ बर्षीय अर्जुन उप्रेतीको बीएन्डसी अस्पताल बिर्तामोडमा उपचार भईरहेको छ । ठक्कर दिने पिकअप र सह–चालकलाई इलाका प्रहरी कार्यालय अनारमनीले नियन्त्रणमा लिएर थप अनुसन्धान गरिरहेको प्रहरीले जनाएको छ ।