झापा । 

विगतमा झै पुनः झापाको सामाजिक क्षेत्रमा हिमानी कोषको गतिविधि बढ्न थालेको छ। हिमानी कोष, झापाको पहलमा सेवा क्यानाडा इन्टरनेशनलले उपलब्ध गराएको अल्ट्रासाउन्ड स्क्यानर मेसिन झापाको कचनकवल–३ अवस्थित स्वास्थ्य चौकी, पथरियालाई हस्तान्तरण गरिएको छ।

 हिमानी कोष झापाको कोडिनेटर पुनम सिंह राजवंशीले स्वास्थ्य सहायता सामाग्री, स्वास्थ्य चौकी पथरियाको निम्ति कचनकवल गाउँपालिकाका अध्यक्ष अन्जाद आलामलाई हस्तान्तरण गरेकी छिन्। 

हस्तान्तरण कार्यक्रममा कचनकवल गाउँपालिकाका प्रमुख अन्जाद आलाम, कचनकवल–३ का वडाध्यक्ष विजयकुमार राजवंशी, स्वास्थ्य चौकी व्यावस्थापन समितिका अध्यक्ष रामबहादुर राजवंशीलगायत सामाजका प्रबुद्ध व्यक्तित्वहरूको उपस्थिति रहेको थियो। हिमानी कोष, झापाको कोडिनेटर पुनम सिंह राजवंशीका अनुसार कोषले यस प्रकारको सहायतालाई भावि दिनहरूमा समेत निरन्तरता दिने बताइन् ।