उदयपुर । 

उदयपुरको कटारी नगरपालिका–११ हर्देनी स्थित सिद्धिचरण राजमार्गमा सवारी दुर्घटना हुँदा एक जनाको मृत्यु भएको छ भने  चालकसहित १३ घाईते भएका छन ।

ओखलढुंगाबाट उदयपुरको कटारीतर्फ आउदै गरेको प्रदेश १–०७–००१ ज ००११ नम्वरको फोर्स गाडी अनियन्त्रित भई सडकबाट ५ मिटर तल झरी दुर्घटना हुँदा गाडीमा सवार चालकसहित १४ जना घाईते भएका थिए । उपचारको लागि बिभिन्न अस्पतालहरुमा पठाइएकोमा ओखलढुंगा सुनकोशी गाउँपालिका–४ का ५४ बर्षीय खेमबहादुर कार्कीको बिरअस्पताल काठमाण्डौमा उपचारको क्रममा मृत्यु भएको हो ।

ओखलढुंगा मोलुङ–२ का २४ बर्षीय एकराज दाहाल र ३० बर्षीया पार्वता पोखरेलको बिराटनगर नोवेल अस्पतालमा उपचार भईरहेको छ भने कटारी अस्पतालमा उपचारार्थ रहेका १० जना घाईतेहरु उपचार पश्चात डिष्चार्ज भईसकेका छन् ।

गाडी चालक ओखलढुङगा सिद्दिचरण नगरपालिका–१ का २४ बर्षीय सञ्जिब घिमिरेलाई सामान्य उपचार पश्चात इलाका प्रहरी कार्यालय कटारीले नियन्त्रणमा लिई दुर्घटनाका बिषयमा थप अनुसन्धान भईरहेको प्रहरीले जनाएको छ  ।