सुनसरी । 

सुनसरीको धरान उप–महानगरपालिका–१८ मा रहेको न्यु कान्तिपुर होटल एण्ड लजको १०९ नम्बर कोठामा गत फाल्गुन १७ गते मृत फेला परेकी महिलाको पहिचान भएसँगै हत्यामा संग्लग्न एक जनालाई प्रहरीले पक्राउ गरेको छ । 

पक्राउ पर्नेमा पाख्रीवास नगरपालिका–६ धनकुटाका २४ बर्षीय जिवन उपनामका बिनेश राना रहेका छन् । फाल्गुन १७ गते बिहान ७ बजेको समयमा होटलको कोठामा एक जना महिला मृत रहेको भन्ने जानकारी पाएपछि इलाका प्रहरी कार्यालय धरानको प्रहरी टोलीले घटना सम्वन्धमा अनुसन्धान शुरु गरेको थियो । 

पहिचान गर्ने क्रममा मिक्लाजुङ गाउँपालिका–१ पाँचथर घर भई हाल ईटहरी–५ मा बस्दै आएकी ३९ बर्षीया सुमित्रा तामाङ रहेको खुलेको थियो ।  मृतकको पहिचान खुलेसँगै उक्त घटनामा संग्लग्नको खोजतलास गर्ने क्रममा रानालाई फाल्गुन २१ गते बेलुका धनकुटाको पाख्रिवास–११ बाट प्रहरीले पक्राउ गरेको हो ।

हत्याको आरोपमा पक्राउ परेका रानाको बिषयमा इलाका प्रहरी कार्यालय धरानले  थप अनुसन्धानगरिरहेको प्रहरीले जनाएको छ ।