इलाम । 

इलाम नगरपालिका–१० स्थित मेची राजमार्गमा बस अनियन्त्रित भई दुर्घटना हुँदा एक जनाको मृत्यु भएको छ भने ४ जना घाईते भएका छनु । मृत्यु हुनेमा बारा जिल्लाको सिम्राहागण नगरपालिका–७ का ३५ बर्षीय प्रदिप कुसुवाह रहेका छन् ।

हिजो राती ९ बजे बारा जिल्लाबाट इलाम घुम्न आएका ४४ जना सवार ना.४ ख ६२४८ नम्वरको बस अनियन्त्रित भई सडकको नालीमा ठोकिन गई दुर्घटना हुँदा कुसुवाह झ्यालबाट हाम्फाल्ने क्रममा बसले चेप्पिई घटना स्थलमानै मृत्यु भएको हो भने गम्भिर घाईते भएका ४० बर्षीय धुरुप कुसुवाहको बीएण्डसी अस्पताल बर्तामोडमा र अन्य सामान्य घाईते ३ जनाको स्थानिय मेडिकलमा उपचार भइरहेको छ ।

दुर्घटनाको बिषयमा इलाका प्रहरी कार्यालय पशुपतिनगरले  थप अनुसन्धान गरिरहेको प्रहरीले जनाएको छ ।