झापा ।

झापाको बिर्तामोड नगरपालिका ६ बुट्टाबारी स्थित पूर्व पश्चीम लोकमार्गमा दुर्घटना हुँदा एक जनाको मृत्यु भएको छ  भने एक जना घाईते भएका छन् ।

पूर्वबाट पश्चिमतर्फ आउँदै गरेको मे १ ज १९१८ नम्बरको म्याजिक भेनले बिपरीत दिशाबाट जादै  गरेको प्र १ ०१ ०१३ प  ७३२६ नम्बरको  मोटरसाईकललाई ठक्कर दिँदा मोटरसाईकलका चालक अर्जुनधारा नगरपालिका ११ का ५४ बर्षीय दिलिप राजवंशी र पछाडि सवार  बिर्तामोड ४ का कृष्ण राजवंशी घाईते भएका थिए ।

दुवै घाईतेलाई  उपचारको लागिबी  एण्ड सि अस्पताल बिर्तामोड लगिएकोमा मोटरसाईकल चालक दिलिपको उपचारको क्रममा मृत्यु भएको थियो  भने पछाडि सवार कृष्णको सोहि अस्पतालमा उपचार भईरहेको छ ।

दुर्घटना हिजो  दिउसो भएको थियो । म्याजिक भेन र चालक  ईलाका प्रहरी कार्यालय अनारमनीले नियन्त्रणमा लिएको छ भने घटनाको बिषयमा थप अनुसमन्धान भईरहेको प्रहरीले जनाएको छ ।