मोरङ । 

मोरङको बेलवारी नगरपालिका–१ सिनेमा हल अगाडीबाट आईतवार बिहान हराएको कार खोजतलास गर्ने क्रममा हराएको कार र लागू औषधसहित तीन जनालाई प्रहरीले पक्राउ गरेको छ ।

आईतबार बिहान ८ बजे मोरङको बेलबारी नगरपालिका–३ का ४३ बर्षीय रिक्तमान गुरुङले बेलबारी–१  सिनेमा हल अगाडी पार्किङ गरी राखेको अवस्थामा प्रदेश ३–०१–०२५ च ९७५० नम्बरको  कार हराएको भनेर ईलाका प्रहरी कार्यालय बेलबारीमा हुलिया निबेदन दिइएको थियो।

खोजतलास गर्ने क्रममा सोही दिन दिउँसो सुन्दरहरैचा नगरपालिका–७ विश्वकर्मा मन्दिरबाट उक्त कार फेला परेको हो। कार फेला परेसँगै उक्त कारमा रहेका बेलबारी नगरपालिका–३ का ३६ बर्षीय सुरज गुरुङ, केरावारी–१० का  २५ बर्षीय  तेजकुमार मगर र केराबारी–७ का  २६ बर्षीय नगेन्द्र लिम्बुलाई नियन्त्रणमा लिई उक्त कार चेकजाँच गर्ने क्रममा लागुऔषध Diazepam  ११ एम्पुल , Avil ९ एम्पुल, Phenergan १० एम्पुल , रlupigesic १० एम्पुल गरि जम्मा ४० एम्पुल बरामद भएको थियो । लागू औषधसहित पक्राउ परेका उनीहरुको  थप अनुसन्धान कार्य भईरहेको ईलाका प्रहरी कार्यालय बेलवारीले जनाएको छ ।