झापा ।

झापाको मेचीनगर–६, मा रहेको जुत्ता उद्योगमा आगलागी भएको छ भने आगलागी अझै नियन्त्रणमा आएको छैन।  व्यवसायी श्याम खेतानको बर्मेली टोलको एसएस फुटवेयर जुत्ता उद्योगमा बिहीबार दिउँसो आगलागी भएको हो । आगलागीको कारण अहिलेसम्म खुलेको छैन ।

घटनास्थलमा ४/५ वटा दमकल पुगेपनि अहिलेसम्म आगलागी नियन्त्रण नभएको इलाका प्रहरी कार्यालय, काँकरभिट्टाका प्रहरी नायब उपरीक्षक (डीएसपी) सुनिल दाहालको जानकारी दिए ।  

अहिले स्थानीय र सुरक्षाकर्मीले आगो नियन्त्रणको प्रयास गरिरहेका छन् भने उक्त आगलागीबाट तयारी जुत्तासहित सम्पूर्ण उद्योगको सामाग्री चलेर नष्ट भएको डिएसपी दाहालले बताए। उनका अनुसार उद्योगमा आगलागी हुँदा करडौको क्षति भएको छ ।