पाँचथर । 

पाँचथरको फिदिम नगरपालिका–१ बाट ८ ग्राम प्रतिवन्धित लागूऔषध ब्राउन सुगरसहित एक जना महिलालाई प्रहरीले पक्राउ गरेको छ । पक्राउ पर्नेमा पाँचथर फिदिम नगरपालिका–१ कि  ३२ बर्षीया  देवि लकान्द्री रहेकी छिन् । 

हिजो राती साढे ७ बजे जिल्ला प्रहरी कार्यालय पाँचथरबाट बिशेष सुचनाको आधारमा  प्रहरी टोलीले लकान्द्रीको कोठा चेक जाँच गर्ने क्रममा डिजिटल तराजु १ थान र निजले लगाएको सुरुवालमा लुकाई राखेको प्रतिबन्धित लागू औषध ब्राउनसुगर ८ ग्राम बरामद गरेको हो ।

  ब्राउन सुगरसहित पक्राउ परेकी लकान्द्रीको जिल्ला प्रहरी कार्यालय पाँचथरले थप अनुसन्धान गरिरहेको प्रहरीले जनाएको छ ।