बिर्तामोड । 

इसाई धर्मावलम्बीको महान् पर्व क्रिसमसको अवसर पारेर एनइबीसी अर्जुनधारा –६ बिहानी टोलमा क्रिसमस डे  मनाइएको छ ।  एनइबीसीका अध्यक्ष बिनोद तामाङको अध्यक्षता तथा पास्टर दिलिप समालको प्रमुख आतिथ्यमा भएको कार्यक्रममा बिमला राईले स्वागत गरेकी थिइन् ।  कार्यक्रममा यामबहादुर राईले बाइवल पाठ शुरुको प्रार्थना पाठ गरेका थिए । 

एनइबीसीका जवानले स्तुति प्रशंसा गरे भने भेटी संकलन रोहन सेवा र विप्सना विष्टले , भेटी प्रार्थना वावुराम योङहाङ र नन्दकुमार राईले गरेका थिए ।  पास्टर दिलिप समालले प्रवचन गरेको कार्यक्रममा  एनइबीसीका वालसंगतिले विशेष समयको प्रस्तुति दिएका थिए । 

सोही कार्यक्रममा वावुराम योङहाङ , विनोद तामाङ ,इशान थाम्सुहाङ, बुद्धरानी खुदाङ लिम्वू , पञ्चमाया लिम्वूलाई सम्मान गरिएको थियो भने ५० जना वालवालिकालाई शैक्षिक सामग्री प्रदान गरिएको थियो । 

विनोद तामाङले धन्यवाद ज्ञापन गरेको कार्यक्रममा अन्तिम प्रार्थना पास्टर दिलिप समालले गरेका थिए । कार्यक्रमको सञ्चालन एल्डर मन खुदाङ र सुरजमणी राईले गरेका थिए । त्यस्तै कार्यक्रममा गीत, नृत्यलगायत  प्रस्तुत गरिएको थियो । साँस्कृतिक कार्यक्रमको सञ्चालन उपसना खुदाङले गरेकी थिइन् ।