झापा । 

झापाको कचनकवल गाउँपालिका–२ स्थित सडक खण्डमा दुई ओटा मोटरसाईकल ठक्कर लागि दुर्घटना हुँदा एक जनाको मृत्यू भएको छ भने २ जना घाईते भएका छन् । मृत्यू हुनेमा झापा कचनकवल गाउँपालिका–४ का ४० बर्षिय शेषलाल राजबंशी रहेका छन् ।

शनिवार (आज) दिउसो साढे १२ बजे WB 74P 9717 नम्वरको मोटरसाईकल र मे.४ प ९५०० नम्वरको मोटरसाईकल ठक्किदा दुर्घटना भएको थियो ।

दुर्घटनामा घाईते भएका सोहि स्थानका २७ बर्षिय शिवलाल माझी र ४४ बर्षिय सजन राजवंशी र ४० बर्षिय शेषलाल राजबंशीको ओमसाई पाथिभरा अस्पताल भद्रपुरमा उपचार भईरहेकोमा शेषलालको उपचारको क्रममा मृत्यू भएको हो । घटनाको बिषयमा जिल्ला प्रहरी कार्यालय झापाले थप अनुसन्धानगरिरहेको जनाएको छ ।