लक्ष्मीपुर । 

झापाको अर्जुनधारा नगरपालिका वडा नं. ५ लक्ष्मीपुरस्थित विहीवारे बजारको दुर्गा पाञ्चायनत मन्दिरमा प्रत्येक बर्ष आयोजना हुँदै आएको पुराणको १७ औं अनुष्ठानको उद्घाटन भएको छ । 

१८ औ अनुष्ठानसम्म आयोजना गरिने साप्ताहिक पुराण अन्र्तगत यो १७ औ अनुष्ठान हो । पुस ६ गतेदेखि १३ गतेसम्म आयोजना हुने ‘श्रीमद् नारद महापुराण’ को प्रमुख वाचक पण्डित पुरुषोत्तम गजुरेल तथा उपवाचक लक्ष्मीप्रसाद पोखरेल रहेका छन् । 

पुराण उद्घाटन शिक्षासेवी हरि खड्काले गरेको पुराण मुल आयोजक समितिका संयोजक डम्बर घिमिरेले जानकारी दिए । 

आज (मंगलवार) कलशयात्रा गरेर पुराणको उद्घाटन गरिएको हो । पुराण अवधिभर विभिन्न झाँकीहरुसमेत प्रस्तुत गरिने आयोजक समितिले जनाएको छ । मन्दिरमा टायल र ग्रील लगाउने उदेश्यले पुराणको आयोजना गरिएको आयोजक समितिले जनाएको छ । पुराण सम्पन्न गर्न विभिन्न उपसमितिहरु समेत गठन गरिएको छ ।