संखुवासभा । 

संखुवासभाको सभापोखरी गाउँपालिका–१  भित्रि सडक खण्डमा ट्याक्टरको ठक्करबाट एक जना वालकको मृत्यु भएको छ । मृत्यु हुनेमा सभापोखरी गाउँपालिका–२ का फत्तेमान राईको छोरा ११ बर्षिय निशान राई रहेका छन् ।

  प्रदेश १–०२–००३ त १२२९ नम्वरको ट्याक्टरले बाटो क्रस गर्दै गरेका राईलाई ठक्कर दिदा निजको घटना स्थलमै मृत्यु भएको थियो ।

दुर्घटना गराउने ट्याक्टर र चालकलाई जिल्ला प्रहरी कार्यालय संखुवासभाले नियन्त्रणमा लिएर  आवश्यक अनुसन्धान तथा कानुनी प्रकृया अघि वढाइएको प्रहरीले जनाएको छ ।