मोरङ । 

मोरङको बिराटनगर महानगरपालिका–१७ मटेरुवाबाट मोटरसाईकल चोरीमा संलग्न एक जनालाई प्रहरीले पक्राउ गरेको छ । पक्राउ पर्नेमा सुनसरी रामधुनी नगरपालिका–३ घर भई बिराटनगर महानगरपालिका –११ मा डेरा गरी बस्ने २८ बर्षिय उमेश दाहाल रहेका छन् ।

गत मंसिर २६ गते राती साढे ८ बजे बिराटनगर स्थित कोशी अस्पतालको परिसरमा पर्किङ गरी राखेको को २५ प ५०२४ नम्बरको बुलेट मोटरसाईकल चोरी भएको थियो । खोजी गर्ने क्रममा प्रहरी चौकी मटेरूवाको  प्रहरी टोलीले भारतको जोगवनीतर्फ लादै गरेको अवस्थामा मोटरसाईकलसहित दाहाललाई पक्राउ गरिएको हो ।

पक्राउ परेका दहाललाई  मोरङ जिल्ला अदालतबाट चोरी कसूरमा म्याद थप गरी अनुसन्धान भईरहेको प्रहरीले जनाएको छ ।