ईलाम । 

सुर्योदय नगरपालिका–७ सुखेपोखरीमा मेची राजमार्गमा मारुती भेन दुर्घटना हुँदा २ जनाको मृत्यु  भने ८ जना घाईते भएका छन् । मे १ ज ३३०७ नम्बरको मारुती भेन आफै अनियन्त्रित भई सडकबाट १०० मिटर तल झरी दुर्घटना भएको थियो ।

घाईतेहरुलाई उपचारको लागि बि एण्ड सी अस्पताल बिर्तामोड लगिएकोमा माईजोमाई गाउँपालिका–४ का ७६ बर्षिय रामप्रसाद तिमसिना र माईजोमाई–३ का ४० बर्षिय भरत घिमिरेको उपचारको क्रममा मृत्यु भएको थियो ।

चालकसहित ८ जनाको सोही अस्पतालमा उपचार भईरहेको छ । घटना बिषयमा ईलाका प्रहरी कार्यालय पशुपतिनगरले थप अनुसन्धान गरिरहेको प्रहरीले जनाएको छ ।