सुनसरी । 

सुनसरीको देवानगंज गाउँपालिका–४ बाट ठुलो परिणामको गाजासहित एक जनालाई प्रहरीले  पक्राउ पक्राउ गरेको छ ।

देवानगंज स्थित सिमा क्षेत्रमा ईलाका प्रहरी कार्यालय देवानगंजको चेकिङ टोलीले सवारी साधन चेक जाँच गर्ने क्रममा प्रदेश १–०४–००१ त ०६६६ नंम्बरको ट्याक्टर चेकजाँच गर्ने क्रममा उक्त ट्याक्टरमा १ सय ८० केजी लागुऔषध गाँजा फेला परेको थियो ।

चेकजाँच हुने क्रममा ट्याक्टर चालक फरार भएका थिए भने उक्त ट्याक्टरलाई को २९ प ८४८६ नम्बरको मोटरसाईकलले स्कटिङ गर्ने देवानगंज गाउँपालिका–५ का २५ बर्षीय सन्तोषकुमार मेहेता पक्राउ हुन् ।

फरार भएका चालकको खोजतलास भईरहेको छ भने बरामद भएको गाँजा, ट्याक्टर र मोटरसाईकल समेत नियन्त्रणमा लिई थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।