मोरङ ।
पथरी शनिश्चरे नगरपालिका –२ जय चोक स्थित राजमार्गमा बसको ठक्करबाट बालकको मृत्यु भएको छ । मृत्यु हुनेमा बेलबारी नगरपालिका –४ बस्ने भावना अचार्यको ७ बर्षीय छोरा बिवस आचार्य रहेका छन् ।
मंगलबार प्रदेश ३–००१ ख २०० नम्बरको काठमाडौबाट आएको नाईट बसले बालक आमासँग बाटो क्रस गर्ने क्रममा ठक्कर दिएको हो ।
बसको ठक्करबाट गम्भिर घाईते भएका बालकको उपचारको लागि पथरी अस्पतालमा पुर्याउन साथ मृत्यु भएको ईलाका प्रहरी कार्यालय पथरीले जनाएको छ ।
दुर्घटना गराई फरार रहेको बसलाई ईलाका प्रहरी कार्यालय उर्लाबारीको प्रहरी टोलीले चालक भोजपुर रामप्रसाद राई गाउँपालिका –६ का ३४ बर्षीय शम्भु थापा सहितलाई पक्राउ गरेको छ । घटनाको बिषयमा थप अनुसन्धान भईरहेको प्रहरीले जनाएको छ ।