• राजु बराल 

चन्द्रगढी ।

चन्द्रगढी सामुदायिक वन उपभोक्ता समुहको कार्यसमितिको निर्वाचन सम्बन्धमा शनिबार प्रशिक्षण कार्यक्रम सम्पन्न भएको छ ।

समुहको कार्तिक ३० गते हुने निर्वाचनमा सम्लग्न मतदान अधिकृत, सहायक मतदान अधिकृत तथा कर्मचारीहरु लाई मतदान प्रक्रिया सम्बन्धमा सुसुचित  गराउने उद्देश्यले उक्त कार्यक्रम भएको हो ।

चन्द्रगढी सामुदायिक वन उपभोक्ता समुहका निर्वाचन समितिका सम्योजक परमानन्द मिश्रको अध्यक्षतामा सम्पन्न सो कार्यक्रमको सहजिकरण जिल्ला निर्वाचन कार्यालयका प्रेम गुरागार्इ र निर्वाचन समितिका सदस्य मनकुमार डागीले गरेका थिए । 

चन्द्रगढी सामुदायिक वन उपभोक्ता समुहका निर्वाचन समिती सदस्य राजु बरालले सञ्चालन र इश्वरप्रसाद पोखरेलको स्वागत गरेको कार्यक्रममा सहभागीको तर्फबाट समुहको निर्वाचनका लागि नियुक्त मतदान अधिकृत मुरारी पोखरेल र सहायक मतदान अधिकृत खोमा दाहालले  प्रतिबद्द्ता ब्यक्त गरेका थिए ।