मोरङ । 

मोरङ रंगेली नगरपालिका –७ बक्राह खोलामा नुहाउन गएका २ जना युवकलाई खोलाले बगाएको छ । बगाएका मध्ये एक जनाको मृत्यु भएको छ भने अर्का युवक बेपता भएका छन् ।

बुधबार भारत मध्यापुरा सिंहेश्वरथान घर भई रंगेली नगरपालिका –६ भन्सार टोल सुरेश साहको घरमा पाहुना आएका २१ बर्षीय बिटु  कुमार साह र १८ बर्षीय  राजा साह बक्राह खोलाको पानीमा नुहाउने क्रममा  डुवेर हराई बेपत्ता भएका थिए ।

  ईलाका प्रहरी कार्यालय रंगेलीको  प्रहरी टोलीले  खोजतलास गर्दा बिटुकुमार साहलाई फेला पारी उपचारको लागि रंगेली अस्पताल पठाई चेकजाँच गर्दा मृत्यु भईसकेको थियो भने राजा साहको खोजतलास भईरहेको प्रहरीले जनाएको छ ।