सुनसरी । 

धरानमा आज (मंगलवार)  परेको अबिरल बर्षाको कारण घर पुरिदा दुई जना बालबालिकाको मृत्यु भएको छ ।  मृत्यु हुनेमा सुनसरी धरान उपमहानगरपालिका –१३ नागेश्वर मार्ग बस्ने निसान राईको छोरी ८ बर्षीया निसु राई र छोरा ४ बर्षीय निहान राई रहेका छन् ।

आज दिउसो पौने २ बजे घरमाथीबाट पहिरो  झरी उनको १ तले टिनको छाना भएको घर पुरिदा सो घर भित्र रहेका दुई जनाबालबालिका  समेत पुरिएका थिए ।  ईलाका प्रहरी कार्यालय धरानबाट उद्धारको लागि प्रहरी टोली गएको थियो ।

उद्धारमा खटिएको प्रहरी टोलीले दिउसो साढे ३ बजे दुईजना बच्चालाई मृत अबस्थामा फेला पारेको हो । घटनाको बारेमा थप अनुसन्धान भईरहेको प्रहरीले जनाएको छ ।