जनकपुरधाम । 

धनुषामा घाँटी काटेर हत्या गरेको अवस्थामा  एक व्यक्तिको शव भेटिएको छ । नगराइन नगरपालिका वडा नम्बर– ५ गाँगुलीमा आइतबार बिहान अन्दाजी ३५ वर्षीय पुरुषको शव फेला परेको धनुषा प्रहरीले जनाएको छ । 

प्रहरीका अनुसार मृतकको सनाखत हुन सकेको छैन । उनको शनिबार राति हत्या भएको हुनसक्ने प्रहरीको अनुमान छ । शवलाई पोष्टमार्टमका लागि प्रादेशिक अस्पताल जनकपुरधाम पठाइएको छ । घटनाबारे थप अनुसन्धान भइरहेको प्रहरीले जनाएको छ ।