- सुदिप गिरी
हल्दिवारी ।
हल्दिबारी गाउँपालिका वडा नं.१ स्थित जनजागृती स्कुलमा बडा दशैंको अवसरमा सन्थाल युवा परिवारद्वारा सांस्कृतिक कार्यक्रम गरिएको छ ।
सांस्कृतिक कार्यक्रम संघीय सांसद राजेन्द्र प्रसाद लिङ्देनको प्रमुख आतित्थ्य तथा उद्घाटन भएको थियो । कार्यक्रममा हल्दिबारी गाउँपालिका अध्यक्ष रबिन्द्र प्रसाद लिङ्देन सन्थाल अगुवाहरू मोहन टुडु, बडाराम हेमरमलगायतको उपस्थित रहेको थियो। सन्थाल समाजका अध्यक्ष छवि मुर्मुको अध्यक्षतामा कार्यक्रम सम्पन्न भएको थियो ।
कार्यक्रममा साँस्कृतिक नृत्यहरू प्रर्दशन गरिएको थियो भने बडा दशैंको शुभकामना आदान–प्रदान समेत भएको थियो । कार्यक्रममा सहभागी भई बिजेता तथा उप–बिजेतालाई सम्मान तथा पुरस्कार समेत प्रदान गरिएको थियो ।
आफ्नो धर्म ,संस्कार, सस्कृति, परम्परा रिति, रिवाजको रक्षा गर्नु सबै नेपालीको कर्तव्य तथा दायित्व रहेको र यस्ता कार्यक्रमले महत्त्वपूर्ण भूमिका खेलेको बिचार प्रमुख अतिथिले बताएका थिए । कार्यक्रममा अधिकांश स्थानीयको सहभागी रहेको थियो ।
_1642945611.jpg)
