बिर्तामोड । 

श्रीकृष्ण प्रणामी धर्मावलम्बीहरूको आस्थाको एउटा संस्था श्रीकृष्ण प्रणामी युवा परिषद नेपाल जिल्ला कार्यसमिति झापाले हालै विभिन्न समितिका पदाधिकारी सदस्य एवम् अग्रज सुन्दरसाथहरूलाई बधाइ तथा शुभकामना व्यक्त गरेको छ ।

विर्तामोडको चारपानेस्थित श्रीकृष्ण प्रणामी मन्दिरमा आयोजित समारोहबीच सत्संग परिषद झापाको नवनिर्वाचित समिति र युवा परिषद नेपाल केन्द्रीय समितिलाई बधाइ तथा शुभकामना दिएको हो । सेवा समिति नेपाल केन्द्रीय समितिमा झापाको प्रतिनिधित्व गर्दै उपाध्यक्षमा निर्वाचित शारदाप्रसाद थपलिया र कृष्णप्रसाद बजगाईलाई बधाइ दिइएको थियो ।

 संस्थाका अध्यक्ष टहलदास ओलीको अध्यक्षतामा सचिव मोहन अधिकारीले सन्चालन गरेको समारोहमा युवा परिषद नेपालका निवर्तमान राष्ट्रिय अध्यक्ष नमराज ढकाल र पूर्व अध्यक्ष मात्रिका प्याकुरेललाई विशेष सम्मान गरिएको थियो ।

श्रीकृष्ण प्रणामी मन्दिर चारपाने प्रारम्भिक समितिका अध्यक्ष बासु पान्डेले स्वागतसहित कार्यक्रमको औचित्यमाथि प्रकाश पारेको समारोहमा सत्संग परिषद झापाका नवनिर्वाचित अध्यक्ष मिलन वस्नेत र जगदीशचन्द्र शर्माले बधाइपत्र ग्रहण गरेका थिए भने संस्थाका अध्यक्ष ओलीले हस्तान्तरण गरेका थिए ।

साथै पुर्वान्चल क्षेत्रबाट उपाध्यक्षमा टंकप्रसाद ओझा, उप–महासचिवमा शुभाष रिजाल, सदस्यमा मदन अधिकारी, दिपक दिनेश दाहाल, गोपाल ढकाल र राजू कट्टेललाई बधाइ तथा सम्मान गरिएको थियो ।

साथै युवा परिषद प्रदेश न. १ का संयोजक अनिल ढुंगाना र सचिव खगेन्द्र बस्तोलाले पु¥याएको योगदानलाई मुल्यांकन गरि सम्मान पत्र प्रदान गरिएको थियो ।

कार्यक्रमका संयोजक जिल्ला उपाध्यक्ष सुरज सापकोटाले कार्यक्रमको औचित्य माथि प्रकाश र स्वागत मन्तब्य राखेको कार्यक्रमको सञ्चालन जिल्ला सचिव मोहन अधिकारीले गरेका थिए ।