भोजपुर । 

आफ्नै श्रीमतीलाई भरुवा बन्दुक ताकी मार्छु भनि धाकधम्की दिने भोजपुरको  रामप्रसादराई गाउपालिका –१ चामबोटेका ४६ बर्षीय सुजिल राईलाई भरुवा बन्दुकसहित प्रहरीले पक्राउ गरेको छ ।

घरयासी बिबादको कारण आफ्नै श्रीमती ४५ बर्षीया जुना राईलाई कोदालोले दाहिने पट्टीको नाकको छेउमा प्रहार गर्दा गहिरो चोट लागेको थियो । 

घरमा लुकार राखेको भरुवा बन्दुक निकाली श्रीमतीलाई ताकी मार्छु भनी धाक धम्की दिएका थिए ।  अस्थाई प्रहरी चौकी ओख्रेको प्रहरी टोलीले घाईते जुनालाई उपचारको लागि स्थानिय मेडिकल ओख्रेमा पठाईएको छ।

घटनास्थलमा भरुवा बन्दुक फाली तत्कार फरार रहेका सुजिललाई प्रहरीले  पक्राउ गरि जिल्ला प्रहरी कार्यालय भोजपुर पठाएको हो । घटनस्थलबाट भरुवा बन्दुक, कोदालो बरामद गरेको प्रहरीले थप अनुसन्धान गरिरहेको प्रहरीले जनाएको छ ।