ओखलढुंगा । 

ओखलढुङ्गा खिजिदेम्बा गाउपालिका –५ ढाडखर्कका ६८ बर्षीय मित्रबहादुर तामाङको धारिलो हरियार खुकुरी र दाउ प्रहार गरि हत्या भएको छ ।

 हत्यामा संलग्न उनकै आफ्नै भाई ६७ बर्षीय शेरबहादुर तामाङ र शेर बहादुरका छोरा ३६ बर्षीय बिरबहादुर तामाङ रहेका छन् । शुक्रवार (आज) दिउँसो साढे १२ बजे हत्या भएको जानकारी भएको प्रहरीले जनाएको छ । 

 ईलाका प्रहरी कार्यालय खिजिफलाटेको प्रहरी टोलीले खुकुरीसहित हत्यामा सम्लग्न दुवै  जनालाई हत्यामा प्रयोग भएको खुकुरी र दाउसहित पक्राउ गरेको छ । उनीहरुको अंशबण्डाको बिषयमा विवाद हुँदा धारिलो हतियार खुकुरी र दाउले टाउकोमा प्रहार गर्दा मित्रबहादुर तामाङको घटनास्थलमै  मृत्यु भएको हो ।

थप अनुसन्धानको लागि जिल्ला प्रहरी कार्यालय ओखलढुंगाको  प्रहरी टोली घटनास्थलमा गएको छ । उक्त स्थान जिल्ला प्रहरी कार्यालय ओखलढुंगाबाट अन्दाजी ६० किलोमिटर  पश्चिम उत्तर रहेको प्रहरीले जनाएको छ ।