राजु बराल 

चन्द्रगढी ।

झापाको चन्द्रगढी सामुदायिक वन उपभोक्ता समुहका टोल संयोजकको सपथ ग्रहण कार्यक्रम सनिबार सम्पन्न भएको छ ।चन्द्रगढी सामुदायिक वन उपभोक्ता समूह अन्र्तगतका छ वटा क्षेत्र भित्रका ३६ जना टोल संयोजकहरुको सो कार्यक्रममा सपथ लिएका छन् । समुहको पहिलो चरणको निर्वाचन कार्यक्रम अन्तर्गत टोल संयोजक र परिसद सदस्य चयन गरिएको थियो । 

डिभिजन वन कार्यालयका प्रमुख युवराज मास्केको प्रमुख आतिथ्यमा सम्पन्न सो कार्यक्रममा प्रमुख अतिथी मास्केका साथै चन्द्रगढी सामुदायिक वन समितीका निर्वाचन समितीका सदस्य राजु बरालले शुभकामना मन्तब्य राखेका थिए । 

समुहका अध्यक्ष हिरा प्रसाद पोखरेलको अध्यक्षता , सचिव सकुन्तला पोखरेलको सञ्चालन र कोषाध्यक्ष अनुज खतिवडाको स्वागत रहेको सोही कार्यक्रममा टोल  संयोजकहरको काम , कर्तब्य र अधिकारको बारेमा समेत प्रशिक्षण दिइएको थियो ।