बिर्तामोड । 

मेची बहुउदेश्यीय सहकारी संस्थाले नेपाल पत्रकार महासंघका पूर्व केन्द्रिय सदस्य, झापाका अग्रज पत्रकार तथा बिर्तामोडको रेडियो भिजनका प्रबन्ध निर्देशक गणेश पोखरेललाई सम्मान तथा पुरस्कृत गरेको छ । 

संस्थाको प्रधान कार्यालय दमकमा शनिवार संस्थाले संस्थाका संस्थापक अध्यक्षको स्मृतिमा स्थापना गरेको  गणेशप्रसाद बस्नेत स्मृति पत्रकारिता पुरस्कारबाट पुरस्कृत तथा सम्मान गरेको हो । 

पत्रकार पोखरेललाई संस्थाको २५ औ वार्षिकोत्सव तथा २७ औ साधारणसभाका अवसरमा सम्मानित गरिएको थियो । पत्रकार पोखरेलसँगै हिमशिखर एफएमका अध्यक्ष ध्रुव न्यौपानेलाई पनि सम्मान तथा पुरस्कृत गरिएको जनाइएको छ । 

पत्रकार पोखरेल र अध्यक्ष न्यौपानेलाई कार्यक्रमका प्रमुख अतिथि तथा प्रदेशसभा सदस्य अर्जुन राईले नगदसहित सम्मान गरेका थिए ।

संस्थाका अध्यक्ष नारायणप्रसाद भट्टराईको अध्यक्षतामा भएको कार्यक्रममा राष्ट्रिय सहकारी वैंकका अध्यक्ष केवी उप्रेती, दमक नगरपालिकाका मेयर रोमनाथ ओलीलगायतले शुभकामना मन्तव्य राखेका थिए । कार्यक्रमको सञ्चालन संस्थाका सचिव राजेन्द्रप्रसाद दाहालले गरेका थिए ।